You are currently viewing Echte Fründe stonn zosamme im Joddesdeens op kölsch
Ein Joddesdeens op Kölsch in Bedburg/Ein Gottesdienst auf Kölsch in Bedburg

Echte Fründe stonn zosamme im Joddesdeens op kölsch

„Echte Fründe stonn zosamme“ es eins vun dä Ledcher, die beim Joddesdeens op Kölsch jähn un us voller Bruss gesunge weede. „Echte Fründe stonn zosamme“ säht dä Kölsche, un meint domett jenau dä Spass an d´r Freud am Levve, un am Gläuve, dä jetz an 12 Fastelovend Sonndare he en der Friedenskirch zo sinn un zo hüre wor.

Am Fastelovendssonndach, däm 3. März 2019 av 10.11 Uhr. es et widder su wig.

Bunt kostümierte Fastelovendsjecke weeden dann widder ene schöne Joddesdeens zosamme fiere. Unse Pfarrer Müller kann dobei secher sing Muttersproch nit verleugne, un die Wööd weden ihm secher en äch Kölsch üvver de Zung kumme. De Fanfare vun de BNZ sorjen för de Musick.

Un noh der Devise „Herrjöttche hilf“ weeden die Joddesdeensbesucher beim Singe der fromme Leedcher op Kölsch vun d´r „Bebber-Allstars-Band“ ungerstütz, dä schon zick Wochen doran am übe ess. Och et „Jlaubensbekenntnis“ un et „Vatter unser“ weed jeder op Kölsch lesse künne, wolle, müsse.

Un em Anschluß an dä Joddesdeens weed em Jemeindehuus bei Musick, Kölsch un Röggelcher zosamme wigger jefiert, un wer et noch kann darf fließich danze!

Um zwei Uhr jonn mir traditionsjemäß all dä Fastelovendszoch lure. Die Pänz un die Ahle freuen sich schon all do dropp. Un eins es klor: Unse Herrjott am Himmelspözje weed sing helle Freud an uns han un weed sing Freud üvver uns mett Sonnesching sähne.

„Echte Fründe stonn zosamme“ ist eines von den Liedern, die beim Gottesdienst auf Kölsch gerne von uns aus voller Brust gesungen werden. „Echte Fründe stonn zosamme“ sagt der Kölsche, und meint damit genau den Spaß an der Freund am Leben, und am Glauben, der jetzt seit zwölf Karnevalssonntagen hier in der Friedenskirche zu sehen und zu hören war.

Am Karnevalssonntag, dem 3. März 2019
Ab 10.11 Uhr ist es wieder so weit.

Bunt kostümierte Karnevalsjecke werden dann wieder einen schönen Gottesdienst zusammen feiern. Unser Pfarrer Müller kann dabei sicher seine Muttersprache nicht verleugnen und die Wörter werden ihm sicher im echten Kölsch über die Zunge gehen. Die Fanfaren von der Bedburger Narrenzunft (BNZ) sorgen für die Musik.

Und nach der Devise „Herrgott hilft“ werden die Gottesdienstbesucher beim Singen der frommen Lieder auf Kölsch von der „Bebber-Allstars-Band“ unterstützt, die schon zig Wochen daran üben. Auch das „Glaubensbekenntnis“ und das „Vaterunser“ wird jeder auf Kölsch lesen können, wollen, müssen.

Und im Anschluss an den Gottesdienst wird im Gemeindehaus bei Musik, Kölsch und Roggenbrötchen zusammen weitergefeiert, und wer es noch kann, darf fleißig tanzen!

Um 14 Uhr gehen wir traditionsgemäß alle den Karnevalszug gucken. Die Kinder und die Alten freuen sich alle darauf. Und eins ist klar: Unser Herrgott am Himmelspförtchen wird seine helle Freude an uns haben und wird seine Freude über uns mit Sonnenschein segnen.

Text: Michael Posthaus/APK
Foto(s): Michael Posthaus